Saturday, October 1, 2016

வஞ்சி புகழ்ச்சி அணி # 9


புரிந்திருந்தாலும்
"யாரது" என்று கேட்டு
என்னை சீண்டுவது
பிடிக்கும்...
#வஞ்சி புகழ்ச்சி அணி

வஞ்சி புகழ்ச்சி அணி # 8


நீ என்னை சீண்டிவிட்டு
பின் கோபம் தணிப்பது
பிடிக்கும்....
#வஞ்சி புகழ்ச்சி அணி

வஞ்சி புகழ்ச்சி அணி # 7


நம்பிக்கை ஊட்டும்
உன் வார்த்தைகள்
பிடிக்கும்...
#வஞ்சி புகழ்ச்சி அணி

வஞ்சி புகழ்ச்சி அணி # 6


உன் உடையைவிட


நீ வெட்கப்பட்டு போர்த்தும்


நாணம் பிடிக்கும்...
#வஞ்சி புகழ்ச்சி அணி

வஞ்சி புகழ்ச்சி அணி # 5


இன்பம் தரும்


உன் இம்சைகள்


பிடிக்கும்...
#வஞ்சி புகழ்ச்சி அணி

வஞ்சி புகழ்ச்சி அணி # 4


பிரியும் நேரம்
உன் கண்ணோரம்
ஈரம் பிடிக்கும்

#வஞ்சி புகழ்ச்சி அணி

வஞ்சி புகழ்ச்சி அணி # 3

அழகாய் நீ என்னை
அலட்சியம் செய்வது
பிடிக்கும்...
#வஞ்சி புகழ்ச்சி அணி


வஞ்சி புகழ்ச்சி அணி # 2


பேசிக்கொண்டே
ஊடுருவும்
உன் பார்வை 
பிடிக்கும்...
#வஞ்சி புகழ்ச்சி அணி

வஞ்சி புகழ்ச்சி அணி # 1




உனக்காய்
கரையும்
நொடிகள்
பிடிக்கும்...
#வஞ்சி புகழ்ச்சி அணி

Wednesday, September 14, 2016

கிறங்கி மறந்தேன்...


என் விழியில் விழுந்த

அந்த நொடியில் மறந்தேன்

எனக்கென இருக்கும் மனதை...

உன் மொழியில் மயங்கி

அதில் கிறங்கி மறந்தேன்

எனக்கென இருக்கும் உலகை...

என்னவளுக்கான கவிதை...

என்னவளுக்கான கவிதை என்றேன்
நீயென தெரிந்தும் யாரென கேட்கிறாய்
நல்லவள் நீ...

#வஞ்சி புகழ்ச்சி அணி

tamil

காற்றில் களையும் கேசத்தை
ஒதுக்கிவிட தெரியாதா என்றேன்
"நீ அதை ரசிப்பது தெரியும்“ என்றாய்
நல்லவள் நீ...

#வஞ்சி புகழ்ச்சி அணி

கனவில் வந்தேனா...

கனவில் வந்தேனா என்றேன்
இல்லை என்றதும் வாடினேன்...
என் தூக்கத்தை கெடுத்தாயடா
என்றபடி செல்லமாய் குட்டுகிறாய்...
நல்லவள் நீ...
#வஞ்சி புகழ்ச்சி அணி

ஆணாதிக்ககாரி...

"டி" போட்டு அழைக்காதே"டா"
என கொஞ்சும்
ஆணாதிக்ககாரி நீ...
#வஞ்சி புகழ்ச்சி அணி

தேவதைபோல்...

எனக்கு பிடித்த நிற உடையில்
தேவதைபோல் இருக்கிறாய் என்றேன்
பறந்துவிட போகிறேன் என போலி பயத்துடன்
இருக்க்க்க்க பற்றிக்கொள்கிறாள் என் கைகளை....
#வஞ்சி புகழ்ச்சி அணி

மருதாணி விரல்...

 எப்படி சிவந்திருக்கிறது பாரேன்
மருதாணி விரல் நீட்டி கேட்கிறாய்
பிடித்தவரை நினைத்துக்கொண்டே
இட்டால் சிவக்குமாம் என்றேன்
உன்னையெல்லாம் நினைக்கவில்லையென
கன்னம் சிவக்கிறாய்....
நல்லவள் நீ...
#வஞ்சி புகழ்ச்சி அணி

உன் பெரிய விழிகள்...

என்ன சொன்னாலும் விரியும்
உன் பெரிய விழிகள்
என்னை விழுங்கும்
ஆழ்துளை குழிகள்...
#வஞ்சி புகழ்ச்சி அணி


விக்கல்

விக்கல் நிறுத்த தண்ணீர் கேட்டால்
கருணையில்லாது முறைக்கிறாய்
நீ என்னை நினைப்பதை
நிறுத்த முயல்கிறேனென்று
நல்லவள் நீ...
#வஞ்சி புகழ்ச்சி அணி


வெள்ளிக்கிழமையானால்...

வெள்ளிக்கிழமையானால்
புடவை கட்டி வருகிறாயே
உனக்கு அவ்வளவு பிடிக்குமா என்றேன்...
எனக்கு பிடித்ததைத்தான்
கட்ட வேண்டுமென்றால்
உன்னைத்தான் முதலில்
கட்டிக்கொள்ளவேணுமென்கிறாய்...
நல்லவள் நீ...

#வஞ்சி புகழ்ச்சி அணி


இதற்குத்தான் ஆசைப்பட்டேன்...

இதற்குத்தான்
ஆசைப்பட்டேன்
எனினும்
கிடைத்தவுடன்
இன்னும்
ஆசைப்படவைக்கிறாய்...
#வஞ்சி புகழ்ச்சி அணி

Thursday, May 5, 2016

சேலை...


நீ சேலை
 கட்டி
 வருவதே
 என்னை
 கட்டி
 போகத்தானே...

உருக வைக்கின்றன...


உன் உறங்கிய கண்களும்
உருக வைக்கின்றன...

Tuesday, April 12, 2016

"இன்னைக்கு அழகாயிருக்கேனா"





உன்னை  
அழகென்பவரை 
முறைக்கிறாய்
"இன்னைக்கு 
அழகாயிருக்கேனா"
தினமும் கேட்டு
பதில்சொல்லாத
என்னை முறைக்கிறாய்
நல்லவள் நீ...

Monday, April 11, 2016

பெயருக்கேனும் சிரித்திருக்கலாம்...


பெயருக்கேனும் சிரித்திருக்கலாம்
எங்கோ பார்த்த ஞாபகமென
புருவம் நெரித்திருக்கலாம்...
கடந்தபின் திரும்பிபார்க்க
எத்தனித்திருக்கலாம்...

வேறென்ன உன்னிடம்

எதிர்பார்த்துவிட போகிறேன்...

Sunday, April 10, 2016

ஆடையவிழ்ந்து நின்றன...




வேடம்கட்டி அனுப்புகிறேன்
மறந்தது மகிழ்ச்சியென சிலநேரம்
சிரித்து வயிற்றுவலியென சிலநேரம்
நல்ல வாழ்கையென பூரித்து சிலநேரம்
நீ மட்டும் போதுமென பலப்பலநேரம்
பொய்யுரித்து புரிந்துகொள்கிறாய்
வேடம் தரிக்காத பதிலனுப்புகிறாய்
ஆடையவிழ்ந்து நின்றன என் கவிதைகள்...
#‎கவிதையல்ல தகவல்